Terraria Wiki

Miss the old Hydra Skin? Try out our Hydralize gadget! Visit the preferences page while logged in and turn on the gadget.

READ MORE

Terraria Wiki
Advertisement
Terraria Wiki

請唔好同小動物飼養箱個英文名嘅拉丁語法衍生出嚟嘅雙數字眼混淆。

喺你為生存、財富同榮譽而戰嘅同時將世界掌握係你手中。深入探索大型洞穴去摷一啲越嚟越勁嘅敵怪嚟試下自己夠唔夠秤,或者起一座自己專屬嘅城市——喺泰拉瑞亞嘅世界入面,你擁有無盡嘅自由!

泰拉瑞亞官網(英)

泰拉瑞亞係由Re-Logic開發嘅一款電子遊戲。一開始佢喺2011年5月16號上架嘅時候只係可以喺微軟Windows入面運行嘅一隻電子遊戲,但係之後已經陸續擴展去到其他遊戲平台。喺呢個2D動作冒險開放式沙盒平台遊戲入面,玩家會喺一個隨機生成出嚟嘅世界度控制一個角色遊玩。

泰拉瑞亞同時支援單人同多人遊戲。除咗英文之外,遊戲仲可以以德文、意大利文、法文、西班牙文、俄文、簡體中文、巴西葡文同波蘭文遊玩。呢個遊戲唔止同家喻戶曉嘅做個創世神有幾道相同之處,而且據Red自己嘅講法[1]仲有相當一部分係受到嗰隻遊戲嘅啟發。與此同時,佢哋亦都有十分唔同嘅地方,例如Boss怪事件等等。

有消息話一個叫泰拉瑞亞2嘅續作將會係將來推出。曾經有一個叫泰拉瑞亞:異界嘅外傳遊戲開發緊,但係喺2018年4月12號正式被叫停。

如果計埋付費手機下載量嘅話,泰拉瑞亞至2021年3為止喺全球已經賣出超過3500萬份,為全世界總銷量第十四高嘅電子遊戲。[2]

支付方式[]

泰拉瑞亞採取「一次支付,後續更新完全免費」嘅運作模式。唔同嘅遊戲版本要價亦都唔同(詳見下方)不過基本上都係喺美金$5-20之間。各種嘅特賣活動有時候會降低價格——最低更曾見過美金$1.99[3]。有部分平台更會提供試玩版。

除此之外仲有收藏版特別版。佢哋嘅價格會貴啲但係會包含一啲額外嘅記念品。

泰拉瑞亞嚮電腦,遊戲機,甚至手機上面嘅複數平台都可供購買;本維基共區分五個版本,包括舊代各版本同以下四個主要版本。

版本[]

電腦版電腦版[]

電腦版內容係最豐富嘅,幾乎包括所有曾經加入到泰拉瑞亞裏面嘅嘢。曾幾何時這遊戲淨係得微軟Windows一個版本。響2015年8月12號泰拉瑞亞正式喺macOSLinux平台公開發售,令遊戲唔再只係可以喺微軟Windows上面玩[4]。微軟Windows版本而家喺Steam上面要價美金$9.99。

響本維基之內,有關淨係電腦版先有嘅內容會以 電腦版圖示或者係呢個橫額作標記:

電腦版
電腦版專屬內容:呢度入面嘅資訊淨係適用於電腦版泰拉瑞亞

最低系統要求[]

Windows MacOS Linux
作業系統 Windows XP、Vista、7、8/8.1、10 OSX 10.9.5 – 10.11.6[os 1] Ubuntu 14.04 LTS
處理器 2.0 GHz 2.0 GHz 2.0 GHz
內存 2.5 GB 2.5 GB 2.5 GB
硬盤空間 200 MB 200 MB 200 MB
顯示卡 128 MB顯存、支持Shader Model 2.0+
DirectX®:9.0c以上
128 MB顯存、支持OpenGL 3.0+
加上ARB擴容嘅話2.1都可以
128 MB顯存、支持OpenGL 3.0+
加上ARB擴容嘅話2.1都可以
  1. 雖然可以喺OSX 10.6以上運行,不過遊戲運行嘅問題都幾多。

建議系統要求[]

Windows MacOS Linux
作業系統 Windows 7、8/8.1、10 OSX 10.9.5 - 10.11.6 Ubuntu 14.04 LTS
處理器 Dual Core 3.0 GHz Dual Core 3.0 GHz Dual Core 3.0 GHz
內存 4 GB 4 GB 4 GB
硬盤空間 200 MB 200 MB 200 MB
顯示卡 256 MB顯存、支持Shader Model 2.0+
DirectX®:9.0c以上
256 MB顯存、支持OpenGL 3.0+
加上ARB擴容嘅話2.1都可以
256 MB顯存、支持OpenGL 3.0+
加上ARB擴容嘅話2.1都可以

購買連結(英)[]

電子遊戲機版電子遊戲機版[]

泰拉瑞亞嘅咁多個電子遊戲機版各有唔同嘅擴張。Xbox One Xbox OnePS4 PlayStation 4任天堂Switch任天堂Switch版本嘅遊戲都同電腦版1.4.0.5相同。而 Xbox 360Xbox 360PS3 PlayStation 3PS Vita PlayStation Vita同埋 Wii UWii U嘅遊戲就係等同於電腦版嘅1.2.4.1,仲要冇咗電腦版同手機版上嘅一部分內容。到目前為止呢啲版本亦都冇計劃更新至比1.2.4.1新嘅版本。

響本維基之內,Xbox One Xbox One,PS4任天堂Switch任天堂Switch嘅版本被叫做「電子遊戲機版」,並用 電子遊戲機版作標記(但係要注意 任天堂SwitchSwitch嘅版本喺版本歷史內容之內有自己嘅分區,用嚟區別返佢同其他主要電子遊戲機版本遊戲嘅分別)。Xbox 360 Xbox 360、PS3PS VitaWii UWii U版本專屬嘅內容被叫做「舊代電子遊戲機版」,並用 舊代電子遊戲機版標記。另外以下嘅橫額亦都會被使用:

電子遊戲機版
電子遊戲機版專屬內容:呢度入面嘅資訊淨係適用於遊戲機泰拉瑞亞
舊代電子遊戲機版
舊代電子遊戲機版專屬內容:呢度入面嘅資訊淨係適用於舊遊戲機泰拉瑞亞

至於泰拉瑞亞響日本係由本間覺製作)。開發商Spike Chunsoft將泰拉瑞亞PlayStation 3同Vita嘅版本本地化咗用嚟喺日本發行。佢哋有為呢次發行整咗一波專屬嘅動漫聯動內容),包括動漫角色同佢哋嘅時髦飾品。

響本維基之內,專屬於日本電子遊戲機版本嘅內容會用 日本電子遊戲機版或者係呢個橫額作標記:

日本電子遊戲機版
日本電子遊戲機版專屬內容:呢度入面嘅資訊淨係適用於日本遊戲機泰拉瑞亞

購買連結(英)[]

手機版手機版[]

手機版包括AndroidAmazoniOSStadiaWindows Phone版本。目前喺Amazon、Android、iOS同Stadia嘅裝置上面嘅版本係等於電腦版嘅1.4.0.5,而喺Windows Phone上面係等於電腦版嘅1.2.4.1。好似舊代電子遊戲機版噉,Kindle Fire HD同更舊嘅裝置唔會再更新至1.2.4.1以上。

響本維基之內,有關手機版專享嘅內容會用 手機版或者係呢個橫額作標記:

手機版
手機版專屬內容:呢度入面嘅資訊淨係適用於手機泰拉瑞亞

購買連結(英)[]

3DS版 3DS版[]

3DS版同手機版1.3.0.7之前嘅版本相似,上面仲保留咗例如天兔等等一啲已經被廢除咗嘅手機版專屬內容。除此之外佢仲包括咗大量由電腦版1.2.1到電腦版1.3.0.1之內嘅內容。

響本維基之內,有關3DS版專享嘅內容會用 3DS版或者係呢個橫額作標記:

3DS版
3DS版專屬內容:呢度入面嘅資訊淨係適用於3DS泰拉瑞亞

購買連結(英)[]

遊戲玩法[]

森林入面嘅一個新建立角色。

玩家一開始要先創造一個角色同一個世界。當然,你亦都可以先創造複數多個角色同世界;由於世界嘅生成係基於隨機嘅種子值,所以一般嚟講冇兩個世界會係相同嘅。開始遊戲嘅時候,玩家嘅角色會喺佢哋世界嘅正中間生成。佢哋身上面會有防身用嘅銅製短劍一把(3DS3DS版裏面係一把木劍)、挖礦用嘅銅鎬一把同埋收集木材用嘅銅斧一把。之後遊戲會透過喺你生成點附近生成嘅向導NPC去畀提示玩家,繼續引導玩家去採集資源(例如礦物),起一個基地去抵抗啲敵怪同跨越遊戲嘅各種挑戰之類。

遊戲入面有多種唔同嘅功能同玩法。大部分嘅時間玩家都可能會喺度探索、起嘢、收集同製作物品(用嚟變強)、釣魚、同同啲敵怪同埋Boss怪戰鬥。作為一個沙盒遊戲,泰拉瑞亞嘅玩家並唔會話限死喺一個終極目標上面,而係可以自己決定佢哋想做乜嘢。其中一個受歡迎嘅目標就係將自己嘅角色有幾勁整咁勁,然之後打贏遊戲入面最難嘅Boss怪同埋事件,譬如話月帝

一個對抗緊海盜入侵事件嘅困難模式玩家。

泰拉瑞亞同時亦都有多人模式,等複數嘅玩家可以同時係同一個世界入面遊玩。多人嘅遊戲大致可以分為玩家合作去起嘢或者好似單人噉克服挑戰嘅合作類遊戲同埋玩家以玩家或者團隊作為單位進行爭鬥嘅PvP類遊戲。

泰拉瑞亞時間系統係實時制)嘅,同時亦都有晝夜循環系統。喺單人模式入面,只要設定裏面嘅自動暫停選項有被啟用,個遊戲就可以暫停。此外玩家亦可以隨時儲存並離開遊戲,喺之後再重啟,但係要注意嘅係玩家會被傳送返去佢哋嘅生成點嗰度。

評價[]

喺Metacritic上面,泰拉瑞亞嘅評價係「普遍好評(Generally favourable)」;PS3[5]同Xbox 360[6]嘅版本同時取得81/100嘅Metascore;iOS[7]同Nintendo Switch[8]嘅版本同時取得82/100;PC[9]同PS4[10]嘅版本同時取得83/100;而Xbox One[11]就取得咗84/100,甚至PS Vita[12]更取得咗85/100嘅佳績。

相冊[]

官方連結(英)[]

外部連結[]

參考[]

  1. 正式泰拉瑞亞Discord伺服器#terraria-pc頻道入面Red寫嘅訊息連結)(2020年5月15號
  2. 據2021年3月電子遊戲銷量排行列表(英)上統計資料顯示
  3. Terraria - Info - IsThereAnyDeal(英)(2019年9月18號
  4. forums.terraria.org → 帖子:「泰拉瑞亞1.3.0.8:Mac同Linux係咪都可以加入一齊玩?」2015年8月1號
  5. 泰拉瑞亞喺PS3嘅Metascore Metacritic(2020年5月26號)
  6. 泰拉瑞亞喺Xbox 360嘅Metascore Metacritic(2020年5月26號)
  7. 泰拉瑞亞喺iOS嘅Metascore Metacritic(2020年5月26號)
  8. 泰拉瑞亞喺Switch嘅Metascore Metacritic(2020年5月26號)
  9. 泰拉瑞亞喺PC嘅Metascore Metacritic(2020年5月26號)
  10. 泰拉瑞亞喺PS4嘅Metascore Metacritic(2020年5月26號)
  11. 泰拉瑞亞喺Xbox One嘅Metascore Metacritic(2020年5月26號)
  12. 泰拉瑞亞喺PS Vita嘅Metascore Metacritic(2020年5月26號)
Advertisement